تامر حسني: لم أجد قوت يومي وهكذا وصلت لحلمي وتحديت الصعوبات (فيديو)
وجه الفنان المصري تامر حسني، رسالة تفاؤل وأمل لليائسين بعد سرده لتفاصيل مشوارة الفني ورفضه للاستسلام للواقع رغم الصعوبات والإحباطات المتكررة.
وأشار نجم الجيل خلال أحدث لقاءاته التلفزيونية، إلى عجزه لفترة طويلة في بداياته من تأمين لقوت يومه إلا أنه رفض الاستسلام وقرر تغيير الواقع مشيراً إلى أهمية المثابرة والكفاح وعدم الاستسلام للظروف والسعي لتحقيق طموحك.
وقال: "أنا شخصيا مررت بهذا والحمد لله ربنا كرمنى وبحقق في أحلامي... أحيانا كنت أسمع كلام مهين وكنت بقول ماشي هقبلها لأني كنت بتذل لحلمي ومعنديش مشكلة المهم أوصل وهوصل يعني هوصل وده كان في دماغي".
وأضاف: "أنا حاسس بالشباب جدا وأنا واحد كنت من فترة مكنتش بقول الظروف لكن كان عندي الظروف كلها ومكنش معايا فلوس وكان عندي مشاكل أسرية ومش لاقي أكل ومش عارف أروح وأنا كتامر حسني عدى عليا سنين مش لاقي أكل وكان لازم أدور على طريق لأن كان قراري كتامر هوصل يعني هوصل وأجي لها كده وأجي لها كده ومن غير يأس".
مشيراً إلى أن فيلمه الجديد "مش أنا " عكس فلسفته الحياتية وصرح قائلاً "شماعة الظروف دي أنت لازم تكسرها وتدمرها، وبوصل لرسالة في آخر الفيلم إن المشكلة في اللي معندوش طموح".
